«Қазгидромет» РМК синоптиктері 15-17 сәуір аралығында ауа райы қандай болатынын жариялады.
Синоптиктердің мәліметінше, Қазақстан аумағында Қара теңізден келетін белсенді ылғалды циклон мен Скандинавия түбегінен келетін суық арктикалық ауа басым болады.
Суық пен ыстықтың соқтығысуынан фронтальды учаскелер белсенді болады, осыған байланысты тұрақсыз ауа райы сақталып, жауын-шашын болады. Батыста жаңбыр, солтүстік облыстарда қар аралас жаңбыр, боран, көктайғақ, тұман болады. Оңтүстік облыстарда да аптап ыстық төмендеп, найзағай ойнап, бұршақ жауады. Республиканың барлық аумағында, елдің оңтүстігінде екпіні секундына 30 метр және одан да көп күшті жел болуы мүмкін, — делінген хабарламада.
16 сәуірден бастап Батыс Қазақстанда, 17 сәуірден бастап Түркістан облыстарында түнде үсік болуы мүмкін.
