Қазақстандық шахматшы Бибісара Асаубаева Үндістан астанасы Нью-Дели қаласында өтіп жатқан Гран-при турнирінің үшінші кезеңінде көш басына шықты.
Қазақстандық шахматшы бұл жолы үндістандық Хампи Конерумен тең ойнады. Қарсыласы бұдан бұрын Азия чемпионы атанған тәжірибелі шахматшы. Тең ойыннан кейін Бибісара 4,5 ұпай жинап, озық шықты.
Одан кейінгі орында 4 ұпаймен қытайлық Чжу Цзиньэр келе жатса, үшінші орындағы ресейлік Александра Горячкина 3,5 ұпай еншілеген.
Еске салсақ, бұдан бұрын Бибісара Асаубаева үндістандық гроссмейстер Харика Дронавалиден, ресейлік белгілі шахматшы Полина Шуваловадан басым түсті.