«Немоны іздеу» мультфильмінде Немоны ұстап алған адам кім болып жұмыс істейді?
Кішкентай Немоны тіс дәрігері ұстап алады.
«Құбыжықтар корпорациясы» мультфильміндегі құбыжықтардың қаласы қалай аталушы еді?
Монстрополис - түсі, формасы әртүрлі құбыжықтар өмір сүретін үлкен қала. Бас кейіпкерлер Майк Вазовски мен Джеймс Пи Салливан да осында туып өскен.
Бұл кім?
Бұл - «Көліктер» мультфильміндегі бас кейіпкердің бірі, Найзағай Маккуиннің ең жақын досы Мэтр.
Суреттегі Реми қай тағамды дәмді әзірлейді?
Бас кейіпкер Реми тышқан басқаларға қарағанда иіс пен дәмді ерекше сезеді. Соның арқасында ол түрлі асты, әсіресе, француз тағамы рататуйды дәмді әзірлейді. Сол себепті де мультфильм «Рататуй» деп аталған.
«Арыстан патша» мультфильміндегі «дана маймылдың» аты кім еді?
«Арыстан патша» мультфильміндегі «дана маймыл» – Рафики. Ол - өте ақылды, сабырлы кейіпкер, бірақ кейде оғаш қылығымен де көзге түседі. Дегенмен аңдар әлемінің патшалары Муфаса, Ахади және Симба Рафикидің кеңесіне жүгінеді.
«Головоломка» мультфильміндегі Бинго-Бонго жылаған кезде көзінен жас болып не төгіледі?
Бинго-Бонго - өте сезімтал кейіпкер. Көңілі түсіп, жылап қалса, көзінен кәмпиттер төгіліп, шашылып жатады.
«Супер отбасы» мультфильмінің кейіпкері Эднадан қандай көмек сұрауға болады?
Эдна - өте талантты тігінші. «Супер отбасы» мультфильміндегі отбасыға "супер-костюмді" де тігіп берген де дәл өзі.
Тимон мен Пумбаның үнемі шырқап жүретін әні қалай аталады?
Тимон мен Пумба үнемі Hakuna Matata әнін айтып жүретін. Бұл ән - екі достың өмірлік ұстанымы, Hakuna Matata суaхили тілінен сөзбе-сөз аударғанда "Еш уайымсыз" дегенді білдіреді.
«Жоғары» мультфильміндегі бас кейіпкер қайда ұшпақ болды?
«Жоғары» мультфильмінің бас кейіпкері Карл Фредриксен марқұм әйеліне берген уәдесін орындау үшін үйіне мыңдаған шарды байлап, Жұмақ сарқырамасына бармақ болады. Осылайша, ол кейінгі өмірін шытырман оқиғаға толы өткізгісі келеді.
«Құбыжықтар корпорациясы» мультфильміндегі құбыжықтар өз қаласына қажет электр қуатын қайдан алады?
«Құбыжықтар корпорациясы» мультфильміндегі құбыжықтар электр қуатын адамның айғайынан алады. Сол себепті олар балалардың бөлмесіне кіріп, оларды шошытып, қажет электр қуатын жинап кетеді.
Әлеуметтік желіде бөлісу:
