Димаш Құдайбергенов бұл айналымда әлемге танымал Франция әнші Лара Фабианның репертуарынан «Adagio» әнін орындап, бірінші орынды иеленді.
«Сүйінші! Димаш тағы шулатты! Бірінші орын! Кеше «Singer» байқауының келесі айналымы өтті. Димаш пианиномен «Adagio» әнін өте жоғары деңгейде орындап, көрермендерді жылатты. Әннің ортасына келгенде жұрттың бәрі орындарынан тұрып, қол соқты. «Димаш, Димаш», деп жанкүйерлердің айғайлаған үні бір сәтке толастамады», — деп жазылған Қытайдағы Wechat әлеуметтік желісінде.
Еске сала кетейік, бұған дейін қазақ әншісінің өнеріне тәнті болған әлемге танымал әнші Лара Фабиан оны өзімен кездесуге шақырған.
«Singer» байқауының 5-кезеңі Астана уақытымен 18 ақпан күні сағат 20.30-да Hunan.TV телеарнасынан көрсетіледі. Бұл кезеңде Димаш Құдайберген «Uptown Funk» әнімен бесінші орынды иеленген еді.
27 Пікір