Бұл мәселе ұлттық экономика министрлігі деңгейінде талқыланған жоқ. Бірақ, Қонаевтың қазіргі ерекше мәртебесін ескере отырып, талқыланады деп ойлаймын. Ол облыс орталығына айналды, сондықтан бұл мәселе әлі де талқылануда деп ойлаймын,- деді ұлттық экономика министрі Әлібек Қуантыров.
Еске салайық, 16 наурызда президент Қасым-Жомарт Тоқаев парламент палаталарының бірлескен отырысында Қазақстанда жаңа үш аймақ пайда болатынын айтқан болатын.
Содан кейін Алматы облысының орталығына айналатын Қапшағайдың атын Қонаев деп өзгертуге қолдау көрсетуге дайын екенін жеткізді. 3 мамырда тиісті жарлыққа қол қойылды.
