Қазақстан мен Түркия арасындағы әуе тасымалы екі есеге артады

Мемлекет басшылары Қасым-Жомарт Тоқаев пен Режеп Тайып Эрдоғанның Анкарада өткен шағын құрамдағы кездесуі кезінде индустрия және инфрақұрылымдық даму министрі Қайырбек Өскенбаев 13 мамырдан бастап Қазақстан мен Түркия арасындағы жолаушылар әуе тасымалы екі есеге артатынын айтты.

ИИДМ басшысы өз сөзінде Қазақстан мен Түркия арасындағы авиация саласындағы ынтымақтастық артып келе жатқандығын баяндады. Бүгінде әуе қатынастары бойынша үкіметаралық келісім негізінде елдер арасындағы тұрақты рейстердің жиілігі бойынша аптасына 61 жолаушылар рейсі орындалып жатыр.

Атап айтқанда, осы мерзім аралығында отандық Air Astana, Fly Arystan және SCAT әуе компаниялары 37 рейс орындаса, түркиялық Turkish Airlines және Pegasus компаниялары 24 рейс жүзеге асырып жатыр. Жолаушылар Стамбұл мен Анкараға және кері қарай Нұр-Сұлтан, Алматы, Ақтау, Ақтөбе, Атырау, Шымкент және Түркістан қалалары арқылы ұша алады,- делінген хабарламада.

Енді 13 мамырдан бастап ұшу саны аптасына 63 рейске артпақ. Сәйкесінше елдер арасындағы апта сайынғы рейс саны 124-ке дейін өсетін болады.

Биылғы жылдың 13 мамырынан бастап Анталия және Бодрум бағыттарында қатынайтын Air Astana , SCAT, Turkish Airlines әуе компанияларының рейс саны біртіндеп артатын болады. Қосымша рейстер Нұр-Сұлтан, Алматы, Ақтау, Ақтөбе, Атырау, Қарағанды, Қостанай, Орал, Шымкент және Өскемен арқылы іске асырылады, – деді Қайырбек Өскенбаев.

Мәселен, SCAT Анталияға аптасына 29 жаңа рейсті Нұр-Сұлтан (аптасына 7 рейс), Алматы (6), Ақтөбе (3), Атырау (3), Шымкент (2), Қарағанды (2), Орал (2), Қостанай (2), Ақтау (1), Өскемен (1) қалаларынан жүзеге асырады. Ал Air Astana Нұр-Сұлтан және Алматыдан Анталия (7 рейстен) мен Бодрумға (2 рейстен) аптасына 18 рейс жасамақ.

Turkish Airlines Анталияға аптасына 16 рейсті Нұр-Сұлтан (5 рейстен), Алматы (4) және Қарағандыдан (3) және Бодрумға Нұр-Сұлтан (2 рейстен) мен Алматыдан (2) орындайды.

Қайырбек Өскенбаевтың айтуынша, биылғы жылдың мамыр айында индустрия және инфрақұрылымдық даму министрлігі мемлекеттер арасындағы әуе тасымалын одан әрмен арттыру мен ұшу географиясын кеңейту бойынша екі елдің әуе билігі өкілдерінің келіссөз жүргізу ұсынған. Өз кезегінде бастама қолдау тауып, келіссөздер ағымдағы жылдың шілде айында Стамбұлда өтеді.

ОҚИ ОТЫРЫҢЫЗ

Қазақстандықтар өз атына кредит рәсімдеуге тыйым сала алады

Қазақстандықтар несие алудан ерікті түрде бас тартуына болады. Бұл электронды үкімет порталы арқылы жүзеге асады.

Елена Рыбакина Ролан Гаррос матчына неге шықпағанын түсіндірді

Қазақстанның бірінші, әлемнің 4-ракеткасы Елена Рыбакина Ролан Гаррос турнирінің матчына неге шықпағанын түсіндірді.

Елімізде шомылуға рұқсат етілген 487 жағажай бар

Ел аумағында шомылуға рұқсат берілген орындар белгілі болды. Бұл туралы төтенше жағдайлар министрі Юрий Ильин мәлімдеді.

Биыл студенттерге арналған 26 жатақхана салынады

Елімізде 2026 жылға дейін студенттік жатақханаларда 30 мың орын ұйымдастыру жоспарланып отыр. Бұл туралы үкіметтің баспасөз қызметі хабарлады.

Астанадан Анталияға жаңа әуе рейсі іске қосылды

Түркиялық әуе тасымалдаушы Mavi Gök Aviation Астанадан Анталияға жаңа рейсін ашты. Бұл туралы "Нұрсұлтан Назарбаев халықаралық әуежайы" АҚ баспасөз қызметі хабарлады.

Президент жоғарғы сот төрағасы Асламбек Мерғалиевті қабылдады

Қасым-Жомарт Тоқаев жоғарғы сот төрағасы Асламбек Мерғалиевті қабылдады. Бұл туралы президенттің баспасөз қызметі хабарлады.