Гастроэнтерология институтында жұмыс істеген белгілі гастроэнтеролог Юрий Шумковқа аңшы мылтығынан оқ атылғаны белгілі болды.
Дәрігердің әріптестерінің айтуынша, күдікті емхана есігі алдында жәбірленушінің басына оқ атқан.
Аса ауыр қылмыс 4 сәуірде таңертең Бостандық ауданында болған. Ақпарат «102» пультіне сағат 8:59-да түскен.
Аңшы мылтығы оғынан 1975 жылы туған Ш. есімді азамат қаза тапты. Қылмыс «ізі суымай» ашылды. Күдікті «Ұстау» арнайы жоспары барысында Алматының Алатау ауданы аумағында ұсталды, — деді Алматы полиция департаменті бастығының тергеу жөніндегі орынбасары Рустам Әбдірахманов.
Еске салайық, бұған дейін Алматыда адам өлтірді деген күдікті ұсталғанын хабарлаған едік.
