Алматы полиция департаменті баспасөз қызметінің мәліметінше, жанжал салдарынан 20 жастағы жас жігіт жарақат алды. Оған медициналық көмек көрсетілді.
Күдіктілер ұсталды. Олардан қарсыласын қорқытқан тапанша тәркіленді. Тапаншаның кімге тиесілі екенін анықтау үшін сот-баллистикалық сараптама тағайындалды, — деп хабарлады полицияның баспасөз қызметі.
Тексеру кешенінің қорытындысына қарай күдіктілердің әрекетіне құқықтық баға беріледі.
Метродағы төбелесті куәгерлердің бірі суретке түсіріп, әлеуметтік желіге жүктеген.
