«Голос» шоуының 3 желтоқсанындағы шығарылымында марқұм Александр Градскийдің тобындағы Әлішер Кәрімов «Звездочка моя ясная» лирикалық әнін орындады. Бұл шығарылым 18 қарашада түсірілген.
Александр Градский үш қатысушының ішінен Әлішер Кәрімовті таңдап, байқаудың келесі кезеңіне өткізді.
Тәлімгерлердің бірі Пелагея Телегина Әлішер Кәрімовке мұндай әнді орындағанда билеу орынсыз екенін айтып, ескерту жасады.
Әлішер, әрине, сіздің дауысыңыз өте керемет, бірақ шынымды айтайын, мен биді түсінбедім. Өйткені, менің ойымша, әннің бағыты басқа, бірақ вокалда ешқандай мін жоқ, керемет болды, — деді Пелагея Телегина.
Еске салайық, әнші, композитор, Ресейдің халық артисі, «Голос» шоуының тәлімгері Александр Градский 2021 жылдың 28 қарашасында 72 жасында қайтыс болды.