Тараптар екіжақты ынтымақтастықтың басымдықтарын белгілеп, вакциналау паспорттарын өзара тану туралы жариялады.
Бұл туралы Денсаулық сақтау министрлігінің баспасөз қызметі хабарлады.
Армения Қазақстанда вакцинация паспорты танылған 17-ші мемлекет болды.
Қазақстан аумағында мына елдерде берілген азаматтардың КВИ-ға қарсы вакциналау паспорттары/сертификаттары/анықтамалары жарамды деп танылсын: Аргентина Республикасы, Венгрия, Грузия, Иран Ислам Республикасы, Иордания, Қырғыз Республикасы, Мальдив Республикасы, Моңғолия, Армения Республикасы, Беларусь Республикасы, Молдова Республикасы, Перу Республикасы, Сан-Марино республикасы, Сербия, Тунис Республикасы, Үндістан Республикасы, Филиппин Республикасы, Таиланд, Түркия Республикасы, Эстония Республикасы, — делінген елдің бас санитар дәрігердің қаулысында.
Сонымен бірге Еуразиялық экономикалық одаққа мүше мемлекеттердің медициналық қолдануға арналған стратегиялық маңызды дәрілік препараттармен және фармацевтикалық субстанциялармен қамтамасыз етілу деңгейін арттыру жөніндегі іс-шаралар жоспары талқыланды.
