Марапат Айжан Қасымбек режиссер болған «Огонь» («От») фильміндегі жұмысы үшін табысталды.
Отандық «От» фильмі Қазақстандағы қазіргі жағдайды қарапайым адамның өмірі арқылы баяндайды. Төлепберген Байсақалов рөлін сомдаған басты кейіпкер Толик – үлкен қалада өмір сүретін отбасының асыраушысы. Ол қала өміріне үйреніп, отбасын асырауды ойлайды.
Кейіпкер курьер болып жұмыс істейді. Көп адам сияқты ол да отбасын асырай алмай, қарызға батады, несие алады. Алайда, ол өзінің қызына үлкен үміт артады. Бір күні жұмыстан келген соң қызы Сәуленің жүкті екенін біледі. Осы жаңалық қыздың болашағына қатысты жоспардың күл-талқанын шығарады. Мәселені шешкісі келген Толик көп кедергіге тап болады.
Asian World film festival дүниежүзілік Азия кинофестивалі биыл жетінші рет өтіп жатыр. Оған азиялық режиссерлердің жұмысы қатысады. Бұл байқауға 20-дан астам елден 30 жұмыс қатысты.
«От» фильмінің әлемдік премьерасы Пусанда (Оңтүстік Корея) халықаралық фестивальде өтті. Өткен аптада актер Төлепберген Байсақалов Сочи кинофестивалінде үздік ер рөлі үшін марапатталды.