Шығыс Қазақстан облысы Төтенше жағдайлар департаменті баспасөз қызметінің дерегінше, Нагорная көшесіндегі көпқабатты тұрғын үйдің екінші қабатындағы пәтер өртенген.
Оқиға орнына өрт сөндірушілер шұғыл келіп жетті. Олар бірінші кезекте подъезден 3 адамды эвакуациялады. Содан кейін түтін тұмшалаған көрші пәтерден 14 жастағы қыз құтқарылған.
Өрт шыққан пәтерден 1972 жылғы ер адамның мәйіті табылды. Көп ұзамай 2 шаршы метрге жайылған жалын ауыздықталды. Өрттің шығуына мас күйде темекі шегу кезіндегі абайсыздық себеп болуы мүмкін, − делінген хабарламада.