Күнбағыс майының 1 литрін өндіру үшін зауыттарға шамамен 2,5 келі тұқым қажет болады. Бұл көлемді алу үшін өткен жылы зауыттар 300 теңге жұмсаса, биыл оның бағасы 700 теңгеге өскен. Зауыттың дайын майының бір литрі былтыр 350 теңгеден сатылса, биыл 550 теңгеге бағаланды. Дүкендерде оның құны өткен жылы 500 теңгеге, ал биыл 800 теңгеге өзгерген. Мамандардың айтуынша, жуырда өнімнің бағасы тағы да көтерілуі мүмкін.
Өңірдегі Федоров ауданында үш ірі мұнай зауытының біреуі бір жыл бойы тоқтап тұрса, қалғандары әзер күнелтіп отыр.
Бүгінгі таңда отандық өндірушілер күнбағыс майын өндірумен айналысу тиімсіз болып қалғанын айтты. Олар тұқымның жиі шетелге экспортталатынын, сондықтан май зауыттары сатып алу бағасын өсіруге мәжбүр екенін жеткізді.
Оларға қазір май өндіру тиімсіз. Және олар алты ай бұрын сатып алған шикізатты бүгінде жоғары бағамен сатуда. Қайта өндірушіге майды өндіруден гөрі сатып жіберген тиімдірек. Қойылған құнға жағдай жасау үшін біз бүгін өндіре алмаймыз, − дейді май өңдеу зауытының директоры Владимир Заверуха.