Ақпарат кеңістігінде аса маңызды орын алатын Қазақ радиосының ардагерлері мен қызметкерлерін 100 жылдық мерейлі мерекесімен құттықтаймын! Ұзақ жылғы жемісті еңбектеріңіз мемлекеттік наградаларға лайықты және сіздерге әлеуметтік қолдау көрсетіледі, – деді Қасым-Жомарт Тоқаев Twitter-дегі парақшасында.
Айта кетейік, Қазақ радиосы 1921 жылы Ахмет Байтұрсынұлының бастамасымен Орынбордан хабар таратуды бастаған. Радиожурналистика жолға қойылып, радио бұқаралық ақпарат құралдарының бірі ретінде нығайып, бекіді. Қазір құрамына 4 бірдей (Qazaq radiosy, Shalqar, Astana, Classic) радионы біріктірген QAZAQ RADIOLARY серіктестігі бүкіл қазақ даласына ақпарат таратады. Радионың «Алтын қорында» 1948 жылдан бері жинақталған 100 мыңнан астам аудиожазба бар.