Қазақстанның төтенше жағдайлар министрі Юрий Ильин материалдық көмек сомасы неден тұратынын айтты.
Үкімет тарапынан әр марқұмның отбасына 10 миллион теңге аудару туралы шешім қабылданды. Бес миллион теңге-жергілікті бюджет есебінен болады. Ерікті түрде тілек білдірген қызметкерлер бір күндік жалақасын жинады. Сөйтіп, министрлік есебінен 5 миллион теңге – ерікті түрде тапсырылды. Сонымен қатар қайтыс болған азаматтардың балаларына көмек беріледі. Мемлекет тарапынан міндетті сақтандыру жағдайы бар қызметкерлердің отбасына 60 айлық ақшалай үлес төленетін болады, − деді министр.
Еске сала кетейік, 26 тамызда Жамбыл облысындағы әскери бөлім аумағында өрт және оқ-дәрілердің жарылысы болды. Жарылыс салдарынан 17 адам қаза тапты. Олар азаматтық қорғау органдарының 10 қызметкері, қорғаныс министрлігінің 6 әскери қызметкері және әскери прокурор.
