Бүгінде бас санитар дәрігердің қаулысы қабылданды. Санитарлық-эпидемиологиялық жағдайларды ескере отырып науқаспен байланыста болған оқушылар болған жағдайда оларға синхронды қашықтан оқыту форматы ұйымдастырылады. Ата-аналардың өтініштері негізінде созылмалы науқастары бар балаларға медициналық ұйым анықтамалары негізінде асинхронды қашықтан оқыту форматы ұсынылады, — деді шолпан Каринова.
Білім және ғылым министрлігінің өкілі атап өткендей, жоғарыда аталған оқушылар оқулықтармен, оқу контенті бар жүйемен, электронды журналдармен толық қамтылады.
Жиынтық бақылау жұмыстары мектептерде тапсырылады. Сабақтардың оқу ұзақтығы — 45 минут, — деді ол ОКҚ алаңында өткен брифингіде.
Мектептерде оқу процесінде қатаң түрде санитарлық талаптар сақталады. Вице-министр талаптардың негізгісіне тоқтала кетті:
- күнделікті термометрия;
- маска режимі, кварцтеу, желдету, дезинфекциялау жұмыстары;
- бұқаралық және қоғамдық іс-шараларды шектеу;
- бастауыш және жоғарғы сыныптарды араластырмау үшін әр уақытта берілетін үзілістер;
- ауысымдар санының артуы;
- педагогтар мен мектептердегі басқа да қызметкерлердің 100% вакцина алуы (медициналық қарсы көрсетілімі жоқ мұғалімдерді қоспағанда);
- бір сыныпқа бір кабинетті бекіту жүйесі.
Оның сөзінше, басқа да ақпараттар бойынша жергілікті атқарушы органдар оқу контенті бар цифрлық платформалармен мектептерді қамтамасыз етіп жатыр.