Жыл соңына дейін созылатын күзгі әскерге шақыру науқанында Қарулы күштер мен басқа да әскери құралымдардың қатары кейінге қалдыруға негіз жоқ 18 бен 27 жас аралығындағы 17 мыңға жуық жаспен толықтырылады. Қорғаныс министрлігі бұрынғы әскерге шақырылғандармен салыстырғанда Қарулы Күштер қатарына шақырылушылар санын көбейтуді жоспарлап отыр, – деді Жүсіпов.
Әскерге шақыру кезінде 1414 қызметінің желісі арқылы SMS хабарлама жіберу шарасы қолданыла береді. Тікелей байланыстың болмауы инфекция қаупін едәуір төмендетеді. Сонымен қатар Сәкен Жүсіпов әскерге шақырылушыларды жұмыстан босату әскерге шақырылған күннен бастап 12 ай ішінде жоспарлы түрде іске қосылатынын да айтты.
Екінші жыл қатарынан әскерге шақыру науқаны пандемия жағдайында жүргізіліп жатыр. Әскерге шақырылушыларды ПТР-тест бойынша тексеру екі рет жүргізіледі: жиналу пункттері мен әскери бөлімге алғаш келіп түскенде. Бетперде тағу секілді санитарлық шараларды сақтау жайы Қорғаныс министрінің тұрақты бақылауында болады, – деді ол.
Бұдан бөлек, ол әскерге шақырылушылар мен олардың ата-аналарының карантиндік шектеу шараларын сақтау қажеттілігіне түсіністікпен қарауы КВИ-дың әскери ортада жаппай таралуын болдырмауға көмектесетінін айтты.