Президент бір аптаға созылатын демалысын Қазақстан аумағында өткізеді.
Мемлекет басшысы шілденің ортасында бір аптаға демалысқа шығуды жоспарлап отыр. Президент демалысын Қазақстан аумағында өткізеді. Өздеріңізге белгілі, былтыр коронавирус пандемиясына байланысты Қасым-Жомарт Кемелұлы демалған жоқ, — деді Берік Уәли Sputnik Қазақстанның ресми сауалына берген жауабында.
Берік Уәли сонымен бірге Қасым-Жомарт Тоқаев президент лауазымына кіріскен сәттен бері екі жыл және үш ай ішінде тек бір рет, 2019 жылдың шілдесінде үш күндік қысқа мерзімді демалысқа шыққанын айтты.