Көліктегі бас санитар дәрігердің жаңа қаулысында осындай норма қарастырылған.
Тәуекелі жоғары («қызыл» аймақ) өңірлерде, Ashyq жобасына қатысатын әуежайларды қоспағанда, күтіп алушылар және шығарып салушыларды әуежайлар ғимараттарына кіргізуді шектеу қамтамасыз етілсін, — делінген құжатта.
Теміржол вокзалдарына да дәл осындай талап қойылып отыр. «Қызыл» аймақтағы өңірде Ashyq жобасына қатыспайтын вокзалдарға күтіп алушылар мен шығарып салушылардың ғимаратқа кіруіне тыйым салынды.
Қаулы қол қойылған сәтінен — 11 мамыр, сағат 20.15-тен бастап күшіне енді.
Еске салайық, әуежай ғимараттарына жолаушылар Ashyq мобайл қолданбасы арқылы кіргізілетіні бұған дейін хабарланған еді.