Әлеуметтік желіде куәгерлердің оқиға орнынан түсірген видеолары пайда болды. Жергілікті тұрғындардың сөзінше, өрт ауылға қарай бағытталып бара жатыр. Ауыл тұрғындары өздігінен үй жануарлары мен техникаларын эвакуациялап жатыр.
ҚО Төтенше жағдайлар департаменті орман өртеніп жатқанын растады.
Видео авторы: Әлібек Жүрпасов
Бүгін 101 қызметіне Риддер орман шаруашылығының жанындағы Лесхоз кентінің тұрғындарынан шамамен екі гектар алқапта құрғақ шөптің жана бастағаны туралы хабар түсті. Оқиға орнына ШҚО ТЖД орман шаруашылығы және өрт сөндіру қызметінің қызметкерлері келді. Өртті сөндіруге барлығы алты техника мен жеке құрамның 100-ден аса адамы жұмылдырылды, — деді ШҚО ТЖД баспасөз қызметі өкілдері.
Өрттің неден шыққаны әзірге белгісіз, алдын ала болжам бойынша, отты абайсыз қолданудан басталған. Бірақ тұрғындар қасақана өрт шыққанын мәлімдеген.
