Базардағы өрттің видеосы әлеуметтік желіде тарады.
Посмотреть эту публикацию в Instagram
Қалалық төтенше жағдайлар департаметінің мәліметінше, бүгін, 29 сәуірде таңғы сағат 09.25-те өрт сөндірушілер Жетісу ауданы, Солтүстік айналма тас жолы 116, «Кенжехан-1» базары мекен-жайы бойынша шақыртуға шыққан.
Өрт сөндірушілер оқиға орнына 6 минутта келді. Олар 3 екі қабатты контейнерлер тобының отқа орағанын анықтады. Оттың жапсарлас контейнерлерге таралу қаупі туындады. Дереу өрт оқпандары беріліп, автоцистерналар гидранттарға орнатылды. Қабылданған шаралардың арқасында өрт 9 минут ішінде сөндірілді,- делінген хабарламада.
Өртті сөндіруге 10 бірлік техника мен 40 адам жұмылдырылған. Өрт аумағы 40 шаршы метрге жеткен.
Посмотреть эту публикацию в Instagram
Айта кетейік, 19 наурыз күні Алматыдағы «Байсат» базарында бірнеше контейнер өртенгенін хабарлаған едік.
