«Қазгидромет» РМҚ мамандарының болжамы бойынша алдағы үш тәулікте оңтүстік өңірлерде ауа температурасы көтеріледі. Жауын-шашын мол түседі.
Алматы, Түркістан, Жамбыл облыстарында оң температура және қатты жауын-шашын болжамына байланысты таулы өзендерде 2021 жылдың 26-28 наурыз аралығында жоғары қарқынды еріген қар-жаңбырлы су тасқынының өтуі күтіледі, — делінген хабарламада.
«112» құтқару қызметі 26-27 наурыз күндері қар көшкіні қаупіне байланысты алматылықтардан тауда абай болуды үндеді.
Айта кетейік, мұның алдында алдағы үш тәулікте еліміздің басым бөлігінде ауа райы құбылмалы болатынын, барлық өңірде жауын-шашын түстетінін хабарлаған едік.
