Кездесу барысында Агенттік өкілдері қатысушылардың назарын «Адалдық алаңы» жобасының маңыздылығына аударды. Бұл жоба еліміздің сыбайлас жемқорлыққа қарсы қозғалысының орталығы екенін атап өтті.
Жергілікті атқарушы органдар халықпен тікелей өзара іс-қимылды және байланысты орната алу қабілеті, тұрғындардың өзекті мәселелері бойынша дер кезінде шешім қабылдай білуі әкімдік қызметінің басты бағыты болуы қажет — деп атап өтті Агенттік Төрағасының кеңесшісі Жазира Жылқышиева.
Кездесуге қатысушылар өз тәжірибелерімен бөлісіп, тұрмыстық сыбайлас жемқорлыққа қарсы іс-қимылдың және мемлекеттік қызмет көрсету сапасын арттырудың жаңа әдістерін ұсынды.
Кездесуде қоғам қайраткері, жазушы Сәдібек Түгел қоғамда дәстүрлі халық құндылықтарын дәріптеу, айналасындағыларға құрмет көрсету, білім мен еңбекке ұмтылу қажеттігін атап өтті.
Біздің қызметіміздегі маңызды аспект азаматтық қоғаммен өзара іс-қимыл болып табылады. Бүгінгі күні Ашық орталықтар еліміздің, қаламыздың құрметті азаматтары мен шығармашыл зиялы қауым өкілдерінің игілігі үшін игі идеялар мен бастамаларды тарту нүктелеріне айналады деп ойлаймын, — деді Сәдібек Түгел.
Кездесуді қорытындылаған өңір басшысы Агенттіктің ашықтық қағидаттары мен парасаттылық идеологиясын ілгерілету жөніндегі барлық бастамаларын қолдады.