Талдау AliExpress платформасы арқылы сатып алынған заттар дерегі бойынша жасалған.
Мерекеге бірнеше апта қалғанда әйелдер киімінің сатылымы едәуір артқан.
Әйел жиделері мен нымшаларына жасалған тапсырыстардың саны қаңтар айымен салыстырғанда ақпанда 6 есе, ал бешпеттер мен свитерлердің сатылымы 3 есе өсті, — делінген компанияның баспасөз қызметі таратқан хабарламада.
Платформада ең көп сатып алынған зат — көйлектердің әртүрлі үлгісі болды, олар: жиде-көйлектер, романтика стильіндегі ұзын көйлектер, сонымен бірге тоқылған үлгілер.
«Сұлулық және денсаулық» категориясындағы тауарлар 8 наурыз қарсаңындағы көп сатылған сыйлықтар тобына кірді. Опа-далап және кірпік өсіруге арналған жиынтықтар әдеттегіден 8 есе көп сатылған. Тері күтімі бойынша заттар тапсырысы 5 есе, ваннаға арналған көпіршік және сабын сияқты гигиена заттары 2,5 есеге өскен.
Сонымен бірге 8 наурыз қарсаңында интернет дүкенінен асүйге арналған комбайндарға сұраныс артқан. Олардың сатылымы қаңтармен салыстырғанда 6,8 есе өсті.
Интернет дүкеннің мәліметінше, мереке қарсаңында Алматы, Нұр-Сұлтан, Қарағанды, Шымкент және Павлодар тұрғындарының сыйлық сатып алу белсендігі артқан.