Жарлық Ақорданың сайтында жарияланды. Мемлекет басшысының жарлығымен тағайындалды:
Әлихан Смайылов — Қазақстан Республикасы премьер-министрінің бірінші орынбасары;
Роман Скляр — Қазақстан Республикасы премьер-министрінің орынбасары;
Ералы Тоғжанов — Қазақстан Республикасы премьер-министрінің орынбасары;
Мұхтар Тілеуберді — Қазақстан Республикасы премьер-министрінің орынбасары — сыртқы істер министрі;
Ғалымжан Қойшыбаев — Қазақстан Республикасы премьер-министрі кеңсесінің басшысы;
Нұрлан Ермекбаев — Қазақстан Республикасының қорғаныс министрі;
Ерлан Тұрғымбаев — Қазақстан Республикасының ішкі істер министрі;
Аида Балаева — Қазақстан Республикасының ақпарат және қоғамдық даму министрі;
Сапархан Омаров — Қазақстан Республикасының ауыл шаруашылығы министрі;
Марат Бекетаев — Қазақстан Республикасының әділет министрі;
Асхат Аймағамбетов — Қазақстан Республикасының білім және ғылым министрі;
Алексей Цой — Қазақстан Республикасының денсаулық сақтау министрі;
Серік Шәпкенов — Қазақстан Республикасының еңбек және халықты әлеуметтік қорғау министрі;
Бейбіт Атамқұлов — Қазақстан Республикасының индустрия және инфрақұрылымдық даму министрі;
Ерұлан Жамаубаев — Қазақстан Республикасының қаржы министрі;
Ақтоты Райымқұлова — Қазақстан Республикасының мәдениет және спорт министрі;
Бақыт Сұлтанов — Қазақстан Республикасының сауда және интеграция министрі;
Юрий Ильин — Қазақстан Республикасының төтенше жағдайлар министрі;
Әсет Ерғалиев — Қазақстан Республикасының ұлттық экономика министрі;
Бағдат Мусин — Қазақстан Республикасының цифрлық даму, инновациялар және аэроғарыш өнеркәсібі министрі;
Мағзұм Мырзағалиев — Қазақстан Республикасының экология, геология және табиғи ресурстар министрі;
Нұрлан Ноғаев — Қазақстан Республикасының энергетика министрі.
Әсет Ерғалиев пен Серік Шәпкенов жаңадан министр болды. Серік Шәпкенов мұның алдында еңбек және халықты әлеуметтік қорғау вице-министрі, ал Әсет Ерғалиев ұлттық экономика вице-министрі болды.
Мұхтар Тілеуберді екі қызметті: сыртқы істер министрі, сонымен бірге премьер-министрдің орынбасары қызметтерін қоса атқарады.
Ал қалған министрлер Үкімет отставкаға кеткенге дейінгі қызметтерінде қалды.
Еске салайық, 15 қаңтарда президент Қасым-Жомарт Тоқаев Асқар Маминді премьер-министр етіп тағайындау туралы жарлық шығарды.
