Депутаттың айтуынша, Білім және ғылым министрлігіне көп жұмыс жүктелген.
Білім және ғылым министрлігі балабақшадан бастап жоғары оқу орнынан кейінгі білімге дейінгі үздіксіз білім беру жүйесінің барлық мәселесімен айналысады. Бұл — өте үлкен жүктеме. Бұл мәселе ел халқының жартысын қамтиды. Мұндай жүктеме басқа министрлікте жоқ. Менің ойымша, Білім және ғылым министрлігінің базасында штат санын көбейтпей екі министрлік құратын кез келді: Білім министрлігі мен Жоғары білім және ғылым министрлігі, — деді Мұрат Бақтиярұлы Сенат отырысында.