Қазақстандық жас әнші Данэлия Төлешова America’s Got Talent шоуының финалында өнер көрсетті.
Tengrinews.kz порталының хабарлауынша, шоудың финалы 22 қыркүйекте NBC телеарнасының тікелей эфирінде көрсетілген. Қазақстандық әншінің видеосы шоудың YouTube-каналында және Instagram-дағы парақшасында жарияланды.
Данэлия Төлешова австралиялық әнші Sia-ның Alive әніне кавер орындады.
Бұл күрделі композиция, бірақ уақыт аз болса да, соны таңдадық. Қолдау көрсетіп, жазып жатқандарға рақмет, бұл — өте маңызды, — деді Данэлия Төлешова.
Финалға 10 артист қатысты, оның алтауы — түрлі жастағы әншілер.
https://www.youtube.com/watch?time_continue=22&v=xp91hFrmvP4&feature=emb_title
Еске салайық, шоудың өткен кезеңінде Данэлия Төлешова тәулік ішінде көрермендер көп дауыс берген фавориттердің қатарында болды.
