Берік Имашевтың айтуынша, 2020 жылдың 13 маусымы мен 12 шілдесі аралығында республика бойынша Қазақстан Парламенті Сенаты депутаттығына барлығы 94 кандидат ұсынылды.
Биыл үміткерлердің көбі Алматы облысында (9), Нұр-Сұлтанда (8), Алматыда (7) тіркелген, ал Шығыс Қазақстан, Қостанай облыстарынан және Шымкенттен аз үміткер (4) ұсынылған.
Сенатқа қазіргі сайлау барысында өзін-өзі ұсыну құқығын пайдаланғандар саны — 82 кандидат немесе 87%.
Сонымен берге Берік Имашев үміткерлердің ішінде 19 әйел бар екенін айтты.
Үміткерлердің орташа жасы — 51,1. Ең жас үміткер 30 жаста, үміткерлер арасындағы жоғары жас — 69.
Кандидаттар арасында 29 инженер, 20 экономист, 12 педагог, 10 заңгер, 10 аграрлық сала қызметкерлері, 7 дәрігер, 3 журналист, 1 саясаттанушы және 1 басқа мамандық иесі бар.
Қазіргі уақытта Сенат депутаттығына кандидаттарды тіркеу процесі жүріп жатыр, ол 2020 жылдың 23 шілдесіне дейін жалғасады, өйткені сайлау туралы заңнамаға сәйкес сайлау комиссиялары мемлекеттік органдармен бірлесіп кандидаттар ұсынған құжаттардың дұрыстығын тексеру жұмыстары жалғасып жатыр.