Мына кадр қай фильмнен?
Бұл көрініс Георгий Данелияның 1975 жылы түсірген "Афоня" комедиясынан.
"Советский экран" журналының сауалнамасы бойынша "1972 жылдың үздік фильмі" атанған және 1973 жылы "Оскар" сыйлығына ұсынылған картина?
Станислав Ростоцкийдің "Бұл жердің таңдары мүлгіп тұрады" картинасы "Шетел тіліндегі үздік фильм" номинациясы бойынша "Оскар" сыйлығына ұсынылды. Бұл фильм "Советский экран" журналының сауалнамасы бойынша "1972 жылдың үздік фильмі" атанды.
"Доцент" деген лақап аты бар кейіпкер қай кинокомедиядан?
"Доцент" - режиссер Александр Серыйдың 1971 жылы түсірген "Сәт джентльмендері" фильміндегі рецидивист қылмыскер Александр Александрович Белыйдың лақап аты. Белый мен одан аумайтын Евгений Трошкиннің ролін Евгений Леонов ойнады.
Алексей Кореневтің "Үлкен үзіліс" комедиясындағы басты кейіпкер Нестор Петровичтің мамандығы қандай?
"Үлкен үзіліс" комедиясының басты кейіпкері - тарих пәнінің мұғалімі.
Қай фильмнің басты ролін поляк актрисасы Барбара Брыльска ойнады?
Барбара Брыльска Эльдар Рязановтың 1975 жылы түсірілген "Тағдыр тәлкегі немесе Буыңыз жеңіл болсын!" екі сериялы трагикомедиясында басты рольді ойнады.
"Чито-гврито, чито-маргалито..." әні қай фильмнің музыкалық тақырыбы?
Бұл ән Георгий Данелияның әйгілі "Мимино" трагикомедиясында айтылады. Оны фильмнің басты ролін ойнаған актер, Грузияның халық артисі Вахтанг Кикабидзе орындады.
Михаил Булгаковтың пьесасы бойынша түсірілген фантастикалық комедия қайсы?
Леонид Гайдай 1973 жылы әйгілі жазушы Михаил Булгаковтың "Иван Васильевич" пьесасының желісі бойынша "Иван Васильевич мамандығын ауыстырады" атты фантастика жанрындағы музыкалық комедиясын түсірді.
Алла Пугачева орындайтын "По улице моей", "На Тихорецкую" әндерін қай фильмнен естиміз?
Эльдар Рязановтың "Тағдыр тәлкегі немесе Буыңыз жеңіл болсын!" комедиясында Алла Пугачева кадр сыртында орындаған "По улице моей", "На Тихорецкую" романстары қолданылды.
Кеңес барлаушысы Максим Исаев туралы 12 сериялы көркем фильм?
1973 жылы телеэкраннан режиссер Татьяна Лиознованың "Көктемнің 17 сәті" атты әскери драмасы көрсетіле бастады. Көпсериялы көркем фильм Юлиан Семеновтың осылай аталатын романы бойынша түсірілді. Кеңес барлаушысы, Штирлиц деген фамилиямен қызмет еткен Максим Исаев туралы драма Мемлекеттік сыйлыққа ие болды.
"Без статистики вообще не жизнь… а каторга какая-то…" деген цитата қай фильмде айтылады?
Бұл цитатаны Эльдар Рязановтың 1977 жылы жарық көрген "Қызмет бабындағы роман" комедиясында басты кейіпкер Анатолий Новосельцев айтады.
Бөлісе отырыңыз:
