«Қазгидромет» кәсіпорны синоптиктері 5-7 қыркүйек күндері ауа райы қандай болатынын хабарлады. Циклон мен атмосфера фронттарының ауа райына ықпалы бар, соның әсерінен жаңбыр жауады, күшті жел соғады және оңтүстікте найзағай ойнайды.
Солтүстік, орталық және шығыс облыстарында циклон орталығының өтуімен кей жерде қатты жаңбыр жауады, сондай-ақ, тұман түседі. Республиканың батыс аймағында антициклон ығысып, жаңбыр басылады. Ал ауа температурасы Қазақстанның бүкіл аймағында климаттық нормадан 3-6 градусқа төмен болады, — деп хабарлады синоптиктер.