Басты бет Мақалада Қазақстан футболы

Ілмек: Қазақстан футболы

Қазақстан футбол ұлттық құрама

Қазақстан футболшылары 20 мың доллар сыйақы алады

Қазақстан құрамасының футболшылары Румыния командасымен тең ойнағаны үшін 20 мың доллардан сыйақы алады.
Қазақстан футзал

Қазақстан футзал құрамаларының үздік ондығына енді

Қазақстанның футзалдан құрамасы Колумбияда өткен 2016 жылғы әлем чемпионатынан кейін жаңартылған ТОП-10 рейтингіне кірді.
Рафқат Аслан

Рафқат Аслан: «Менің қазіргі мақсатым – ұлттық құрамаға ілігу»

Қазақстан жастар құрамасының капитаны Рафқат Асланмен сұхбат
Ерлан Кожагапанов

Ерлан Қожағапанов: Шетелдік футболшылар Қазақстанға тек баю үшін келеді

Федерация президенті салада орын алып жатқан былықпен енді құқық қорғау органдарының айналысатынын ескертті. "Маған шетелдік футболшылар, атап айтар болсам Балқаннан немесе Африкадан келген легионерлердің кейінірек Қазақстандағы күндерін аңсап сұхбат беретіні ұнамайды. Тілшілер неліктен мұндай тақырыпта сұхбаттасады? Өйткені, Қазақстанда легионерлерге көп жалақы берілетінін бәрі біледі. Бізде көп төлейді, бірақ, ойнамауға болады деген ұстаным қалыптасып қалған. Қазақстан чемпионатына баю үшін келеді, мұндай көзқарасты өзгерту керек. Жақсы ойыншыларды агенттердің көмегінсіз тапқан жөн, тікелей шығу керек. Мен бұл жайында "Ақтөбе" басшыларына да, өзге клубтарға да ескерткенмін", - дейді Қожағапанов. Оның айтуынша, Қазақстанда 70 мың еуро жалақы алып ойнаған легионерлер бүгінде өзге клубтарда 9 мың еуроға доп теуіп жүр. "Қазақстан чемпионатында 70 000 еуро жалақы алған ойыншылар бүгінде өзге чемпионаттардың екінші лигасында 9 000 еуро үшін ойнап жүр. Демек, олардың лайықты құны сол 9 мың еуро деген сөз. Неліктен ол біздің чемпионатта 70 мың еуро алады? Мұның бір ғана жауабы бар, ол - жемқорлық. Дегенмен, бұл былыққа енді құқық қорғау органдарының мамандары нүкте қояды", - деп атап өтті ҚФФ президенті. Айта кетейік, өткен жылы Ақтөбе облысының әкімі "Ақтөбе" клубының сапындағы ойыншылардың жалақысын айтып, жұрттың жағасын ұстатқан болатын. Мәселен, Данило Сирино - 57 000 еуро, Андерсон Сантана - 61 000 доллар, Данило Неко - 67 000 еуро, Маркос Пизелли 75 мың доллар жалақы алып отырған.
Самат Смақов

Самат Смақов ұлттық құрамаға бас бапкер болуды армандайтынын айтты

Самат әр жылдары Қазақстанның «Қайрат», «Ақтөбе», «Ертіс» клубтары сапында ойнады. Одан бөлек ресейлік «Спартак-Нальчик» пен түркиялық «Ризеспор» сапында да жарқырай өнер көрсетті. Футболшы қазіргі Қазақстан чемпионатының деңгейі көтеріліп келе жатқанын айтады. Андрей Аршавин, Денис Колодин сынды ресейлік жұлдыздардың келуі бізге тек жақсы жағынан ықпал етеді дейді ол. Сондай-ақ, ол ұлттық құраманың қазіргі жай-күйі де туралы да сөз қозғады. «Мысалы, Арно Пайперстің біздің құрама үшін рөлі ерекше болды. Оның кезінде біздің команда барлық жағынан өсті. Біз Бельгия, Сербия сияқты командалармен тең дәрежеде ойнай алатынымызды түсіндік. Ал қазіргі сәтте егер өзіміздің елімізден таңдаулы, мықты мамандар шығып жатса, оларға да тізгінді ұстатқаннан ұтылмаймыз», – деді Самат. Футболшы бұл ретте өзінің де ұлттық құраманың тізгінін ұстау арманы екенін айтып өтті. «Бұл менің арманым әрі мақсатым. Егер маған қай кезде болмасын сондай құрмет бұйыратын болса, онда мен ең жоғарғы деңгейге дейін көтеру үшін барымды салар едім. Бірақ, мен әлі футболшымын, бапкерлік кезеңге қай кезде қадам жасайтынымды әзірге білмеймін. Дұрыс бағыт таңдау үшін алдымен Владимир Муханов, Алексей Петрушин сынды мықты мамандардың бапкерлік құрамында қызмет ету керек», – дейді даңқты футболшы. Капитан жақсы өнер көрсетіп, жоғарғы дивизионға жолдама алған «Ризеспор» сапынан  неліктен кетіп қалғанын айтты. «Мен ол жақта жақсы ойнадым. Команда да өте керемет ұжым болды. Бірақ, елде келіншегім үшінші баланы босанғалы жатты. Мен үшін отбасымнан алыста жүру қиынға соқты. Әрі сол кезде «Қайраттан» да ұсыныс түсіп тұрған. Сонымен отбасымның қасында болайын деп осындай шешім қабылдадым», – дейді Самат Смақов. Самат былтыр «Ертіс» сапында ойнаған. Маусымаралық үзілісте ол қайтадан сүйікті клубы «Ақтөбе» қатарын толықтырды. Әзірге «Ақтөбе» 1 ұпаймен 10-шы орында келе жатыр.

Қазақстан футбол құрамасындағы ең қымбат 10 ойыншы

"Открытая Азия онлайн" серіктесі Informburo.kz сайты Қазақстан ұлттық құрамасындағы ең қымбат тұратын 10 ойыншының тізімін жасады. 10 9 8 7 6 5 4 3 2 1 Сонымен қатар, сол сайттың бағалауы бойынша, Қазақстан ұлттық құрама ойыншыларының құны жөнінен Орталық Азия елдері арасында екінші орында тұр екен.
  • Өзбекстан – 23,9 млн евро
  • Қазақстан – 11,15 млн евро
  • Қырғызстан – 1,525 млн евро
  • Тәжікстан – 1,13 млн евро
  • Түркіменстан – 900 000 евро