Қазақстанда футболдан 2034 жылғы әлем чемпионаты өтпейді. Бұл туралы мәдениет және спорт министрлігі хабарлады.
Мәдениет және спорт министрлігі қазақстандық футболды дамытуға ерекше назар аударады және осы бағытта жан-жақты қолдау көрсетеді. Алайда, Қазақстанда футболдан әлем чемпионатын өткізу туралы мәселе қаралмағанын, тиісінше, чемпионатты өткізу үшін біздің еліміз өтінім беруді жоспарламағанын мәлімдейді, — делінген хабарламада.
Айта кетейік, БАҚ-да Қазақстан футбол федерациясының басшысы Әділет Барменқұлов 2034 жылғы футболдан әлем чемпионатын өткізу үшін Өзбекстанмен ФИФА-ға бірлескен өтінім беруді ұсынды деген ақпарат тарады.