«Балқадиша» әні
1925 жылы Парижде өтетін Дүниежүзілік ЭКСПО көрмесінде өнер көрсетсін деп, Сталин өз атынан Әміре Қашаубаевқа екі рет хат жолдаған. Көрмеде кезінде қазақ әншісі Ақан Серінің туындысы «Балқадишаны» әлем жұртшылығына тыңдатып, таңдай қақтырғызады. Бүгінде Әміре Қашаубаевтың орындауындағы «Балқадиша» әні «Астана ЭКСПО-2017» лейтмотивтерінде жиі қолданылып келеді.
«Дайдидау» әні
«Дайдидау» — шетелге танымал қазақ әндерінің бірі. Әнші Димаш Құдайбергенов Түркияда өткен «Turkvision-2015» байқауында көрермендердің «Дайдидауды» өзімен қосылап айтқанын жеткізген болатын. Биылғы жылы Димаштың орындауындағы халық әні әлемдік радио жүйесіне енгізілді.
«Дудар-ай» әні
2013 жылы «Voice of China» байқауында Тасқын есімді қазақ жігіті «Дударай» әнін орындайды. Байқау кезінде қазақ әнін тыңдаған қытай жұртшылығы тебіреніп, көз жастарына ерік берген еді.
https://www.youtube.com/watch?v=DYqBRjA-s98
«Гүлістан Қазақстаным» әні
«Новая волна-2013» байқауында қарағандылық әнші Adam-ның орындауындағы «Гүлістан Қазақстаным» байқаудың үздік әндері қатарына енген. Айтыскер ақын Балғынбек Имашевтің сөзіне жазылған Құрмаш Махановтың әні байқау кезінде әділқазылардың жоғары бағасын иеленді.
«Мен Қазақпын» әні
Ақиық ақын Жұбан Молдағалиевтің «Мен – қазақпын» өлеңін қазіргі заманғы RnB стиліне лайықтап, Ерболат Құдайбергенов орындаған еді. Көп ұзамай ән шетелдерді шарлап, леуметтік желілерде түрлі ұлт өкілдерінің «Мен – қазақпын» деп шырқаған видеолары көптеп таралды.
6 Пікір