Астана жаңа жыл
Фото: Астана әкімінің баспасөз қызметі

Аяз ата мен Ақшақар, түрлі гирляндалармен безендірілген көңілді эльфтер мен шыршалар мерекелік көңіл-күй сыйлап жатыр. Бұл туралы Астана әкімшілігінің баспасөз қызметі хабарлайды.

Байқоңыр ауданының бес жерінде жаңажылдық шыршалар орнатылып, мұз төбешіктер, ертегі кейіпкерлерінің мүсіндері тұрғызылды («Жастар» сарайының маңы, «Алатау» СК ауданы, Ататүрік саябағы, «Өндіріс» ТА мен «Кирпичный» секторы).

 Бұған, әсіресе, елорданың кішкентай тұрғындары ерекше қуанды. Сондай-ақ, бізге ШОБ субъектілері де қолдау көрсетті. Олардың көмегімен «Алаш», «Жастар» сауда үйлерінің, «Алай», «Шарын», «Биг Шанхай» базарларының, «Форум» бизнес-орталығы мен «Жібек жолы» қонақ үйінің аумағында жаңажылдық шыршалар орнатылды», — деп мәлімдеді аудан әкімдігінің баспасөз қызметінде.

Аталмыш шарадан білім беру мекемелері де тыс қалған жоқ. № 5, 27, 31, 49, 54, 55 мектептердің әкімшіліктері мекеме аумағындағы сырғанақ алаңдарын абаттандыру жұмыстарын жүргізді.