ЕАЭО елдері бірыңғай электрондық валюта енгізеді

Еуразия экономикалық одағы (ЕАЭО) елдері трансшекаралық есеп айырысу үшін бірыңғай электрондық валюта енгізеді. «Известия» басылымының мәліметінше, бастаманың авторы — Ресейдің Ұлттық төлем кеңесі.

Ұйымның басқарма төрағасы Алма Обаеваның айтуынша, жаңа электрондық валютаны мемлекетаралық сауда-саттықтағы өзара есепке алу операцияларында ғана қолдану көзделіп отыр. Мұндай валютаны енгізу санкциялар қаупі жағдайында өзара есеп айырысуды жеңілдету үшін қажет.

Ортақ валютаның бағамы ЕАЭО елдерінің ұлттық валюталарының бір-біріне қатысына байланысты болады.

Бірыңғай төлем жүйесін жасауға қазірдің өзінде Ресейдің бірнеше ірі қаржы-несие ұйымы ниет білдіріп отыр. РФ Қаржы министрінің орынбасары Алексей Моисеев жаңа валюта Еуропада евроға дейін қолданылған ЭКЮ сияқты болады.

Сарапшылардың айтуынша, ортақ электрондық валюта ЕАЭО мүшелерінің кезең-кезеңмен доллардан бас тартуына ықпал етеді. Бірыңғай валюта туралы бастама одақтың Ресей рублінің күшейгенін қаламайтын басқа мүшелеріне де ұнап отыр.

Айта кетейік, қазіргі уақытта ЕАЭО-ға Ресей, Армения, Беларусь, Қырғыз Республикасы мен Қазақстан мүше.

ДереккөзZakon.kz