жол жөндеу жұмыстары

Биыл облыста тоғыз бюджеттік бағдарлама жүзеге асып жатыр. Оларды орындауға шамамен 16 миллиард теңге бөлінді. Оның басым бөлігі, яғни 13 миллиард теңге – облыстық бюджет қаражаты.

Жолдар мен көпірлерді салу және күрделі жөндеу жұмыстары Ақши ауылы маңындағы «Бірлік – Алмалық – Рысқұлов – Казстрой – Ақбұлақ» және «Сарыөзек – Қорғас – Қоғалы – Көксу – Қарабұлақ» бағыты бойынша жүргізіледі. Сонымен қатар, мекеме 100 миллионнан астам қаражаттың Қарасай ауданындағы «Қаскелең – Шамалған – Ұзынағаш» автожолының жерасты жаяу жүргіншілер жолын салуға жұмсалатынын хабарлады. Сонда-ақ Қарасай мен Іле аудандарындағы «Дмитриевка – Междуреченское – Қараой – Қапшағай – Күрті» және «Алматы – Өскемен» жолдарында көпір тұрғызу қарастырылған.
Биыл Қаратал ауданындағы «Талдықорған – Үштөбе – Быжы – Мұқыр» магистралінде, Көксу ауданындағы «Балпық би – Ақтекше» магистралінде, Жамбыл және Сарқан аудандарындағы «Ұзынағаш – Бесмойнақ» және «Екіаша – Аманбөктер» тас жолдарындағы асфальт төсемдері жаңартылады.

Пікір қосу

Қалдыратын пікіріңізді осында жазыңыз!
Есіміңізді жазыңыз!