Азиада-2018: Маргарита Мұқашева — күміс медаль иегері

800 метрге жүгіру бағдарламасының финалында ол мәреге Қытай желаяғынан кейін келді.

Қазақстандық жеңілатлет Маргарита Мұқашева 2018 жылғы Жазғы Азия ойындарында 800 метрге жүгіруден күміс медальді жеңіп алды.

Ұлттық Олимпиада комитеті баспасөз қызметінің мәліметінше, бұл бағдарламаның финалында Маргарита 2:02.40 көрсеткішімен мәреге жетті. Ол 2:01.80 көрсеткішіне ие болған қытайлық Чунь Ваннан қалып қойды. Үшінші орынды Бахрейн желаяғы Манал Эльбахруи иеленді — 2:02.69.

Маргарита Мұқашева үшін биылғы Азиада жүктілігіне байланысты демалыстан кейінгі алғашқы ірі халықаралық біріншілік болып отыр. Ол әр жылдары Азия ойындарында 2 алтын, 2 күміс медаль иеленген.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз