Оятқышыңыздағы уақытты жиі ауыстырасыз
Оятқышыңыздың тілін бұрай беру — ұйқыны «тәттірек» ететін әдеттің бірі. Таңертеңгі «5-10 минут ұйықтай тұрайын» деген ойдың өзі ағзаңызға кері әсер етеді.
Оятқыштағы уақытты қайта-қайта ауыстырсаңыз, ұйқының циклы бұзылады. Нәтижесінде сіз ойлағандай 5-10 минутта ұйқы қанып үлгермейді. Өзіңізді одан сайын шаршаңқы сезінесіз. Сол себепті оятқышты нақ тұратын уақытыңызға ғана қойыңыз.
Ұйқы алдында смартфон немесе компьютерді көп қолданасыз
Ұйқыға жатарда «оятқышты қоямын» деп, әлеуметтік желілерді ақтарып кету — өкінішке орай, көбінің әдеті. Гаджеттердің жарығы ағзадағы мелотонин гормонын бұзады. Бұл да ұйқы циклының бұзылуына алып келді. Электрониканы кітаппен алмастыруға кеңес береміз.
Сағат күндізгі екіден кейін кофе ішесіз
Кофеинді күндізгі екіден кейін ішу ұйқыға кері әсерін береді. Бұл қалыпты ұйқыны бұзып, шаршасаңыз да мидың ояу жүруіне күштейді. Есесіне сергек ойлануыңызға кедергі жасайды.
Ағзаны құрамында кофеині бар стимуляторлардан тазарту үшін бірнеше сағат керек. Сол себепті кем дегенде 10 сағат бұрын кофе, көк шай, энергетикалық сусындарды ішпеңіз.
Әр күні әртүрлі уақытта ұйықтайсыз
Егер бір уақытта ұйқыға жатып үйренетін болсаңыз, күнделікті бір уақытта оянатын боласыз. Кемінде жеті күн қатарынан осы әрекетті қайталасаңыз, еш қиындықсыз ерте тұрасыз. Ал 21 күн қайталасаңыз, бұл сіздің әдетіңізге айналады.
Ұйқы алдында тамақтанасыз
Ас қорыту процесі ұзақ уақытқа созылады. Тамаққа тойып алып ұйықтау оның жұмысын баяулатып, бойыңыздан көп энергияның шығындалуына себеп болады. Сол себепті де диетологтар ұйқы алдынан үш сағат бұрын тамақтануға кеңес береді.