Отбасылы адамдар жүйке ауруларына аз шалдығады

Лондон колледжінің мамандары некелескен адамдардың деменция ауруына аз шалдығатынын анықтады.

Мамандар Еуропа, Америка және Азия мемлекеттерінде өмір сүріп жатқан 800 мың адам туралы ақпаратты зерттеді. Нәтижесінде отбасылы адамдардың деменция ауруына аз шалдығатыны анықталды. Сүрбойдақтардың бұл ауруға шалдығу қаупі 42%-ға, ал жесірлердікі 20%-ға жоғары.

Сарапшылар мұны отбасылық өмірдегі адамдардың белсенді өмір сүретіндігімен байланыстырды. Бұдан өзге отбасылы жандардың салауатты өмір салтын қалыптастырып, зиянды әдеттерінен арылуға тырысатыны анықталған.

Мамандардың айтуынша, ерлі-зайыптылар қиындыққа тап болғанда бір-біріне қолдау көрсетіп, қорған болады. Ал бұл өз кезегінде жүйке жүйесі мен миға айтарлықтай әсер етеді. Деменция дегеніміз – ақыл-парасат кемістігі. Ол жүйке жүйесінің бұзылуы салдарынан болады.

Дереккөзbaq.kz
Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз