Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Қайрат Қожамжаровтың бұйрығымен ағымдағы жылдың 14 қыркүйегінен бастап Қуаныш Базарұлы Бекбасов сыбайлас жемқорлыққа қарсы іс-қимыл ұлттық бюросының (Сыбайлас жемқорлыққа қарсы қызмет) Ақмола облысы бойынша департаменті басшысы лауазымына тағайындалды.
Қуаныш Базарұлы 1971 жылы Ақтөбе облысы Ойыл ауданының Саралжин кентінде дүниеге келген. Жоғары білімді заңгер.
1989-2004 жылдар аралығында ішкі істер органдарының жедел-іздестіру құрылымдарында түрлі лауазымдарда қызмет етті.
2004 жылдан бастап 2009 жылға дейін қаржы полициясы органдарында басшылық қызметтерді атқарды.
2009-2012 жылдары Қостанай облысының экономикалық және сыбайлас жемқорлық қылмыстарымен күрес жөніндегі департаменті басшысының орынбасары болды.
2012-2014 жылдары прокуратура органдарында қызмет атқарды.
2014 жылдан бастап сыбайлас жемқорлыққа қарсы қызмет органдарында түрлі жауапты қызметтерде болды. Осы уақытқа дейін Астана қаласы бойынша сыбайлас жемқорлыққа қарсы іс-қимыл ұлттық бюросы (Сыбайлас жемқорлыққа қарсы қызмет) басшысының орынбасары қызметін атқарды.