Енді шетелдік автокөлік шығарушылар, импорттаушылар мен сырттан көлік сатып алған жеке тұлғалар темір тұлпарларын тіркеу үшін қомақты қаржы төлеуге міндеттелді.
Соңғы статистикалық мәліметтерге сәйкес, Қазақстанда 5 млн-ға жуық автокөлік тіркелген. Соның 60%-ға жуығы әбден ескірген. «Сондықтан бұл шешім отандық автоөндірісті дамытуға және экологияның жақсаруына айтарлықтай септігін тигізеді», — дейді сарапшылар.
«Мұның қарапайым тұтынушыларға тікелей әсері болмайды. Ашып айту керек, біздің тұтынушылар, автокөлігі бар адамдар бұл төлемақыны ешқайда барып төлемейді. Бұл салық түрі импорттаушылар мен отандық автоөндірушілерге жүктеліп отыр», — дейді автонарық сарапшысы Шалқар Нұртілеуов.
