Мемлекет басшысы Швеция королі XVI Карл Густавты Ұлттық күнмен құттықтады. Бұл туралы Baribar.kz хабарлап отыр.
Ақорданың мәліметінше, Қасым-Жомарт Тоқаев хатта аталған елдің орнықты даму, инновацияларды енгізу және халықаралық ынтымақтастықты кеңейту бағыттарында тамаша табысқа қол жеткізгенін атап өткен.
Сонымен қатар президент жоғары деңгейдегі Қазақстан-Швеция қарым-қатынасы қос халықтың игілігі жолында алдағы уақытта да нығая беретініне сенім білдірді.
Мемлекет басшысы Швеция королі XVI Карл Густавқа және достас швед халқына құт-береке тіледі.
