Не болды?
Ақтауда тұрғын үйдің жанында бір түйені тұраққа қойғандай байлап қойған. Бұл туралы Baribar.kz хабарлап отыр.
Мәлімет
Lada өңірлік басылымының мәліметіне қарағанда, Ақтаудың 13-шағынауданында, бес қабатты №2 үйдің жанында түйені газ құбырына байлап кеткен.
Қала әкімдігінің хабарлауынша, мамандар оқиға орнына жедел жеткен. Тұрғын үй-коммуналдық шаруашылық бөлімі мамандары мен учаскелік полиция инспекторлары бірлесіп, жануардың иесін тапты. Иесі жануарды алып кеткен.
Өңірлік полиция департаментінің мәліметінше, мал иесіне ҚР ӘҚБтК-нің 408-бабы (ауыл шаруашылығы жануарларын жаю қағидасын бұзу) бойынша әкімшілік хаттама толтырылған. Оған 3 АЕК (12 975 теңге) көлемінде әкімшілік айыппұл салынады.
