Халықаралық паралимпиада комитеті (ХПК) Милан мен Кортинада өтетін қысқы паралимпиада-2026 ойындарына байланысты жағдайды мұқият бақылап отырғанын мәлімдеді. Бұл туралы Baribar.kz хабарлап отыр.
Комитеттің мәліметінше, қазіргі ахуалдың ойындарға және жалпы паралимпиадалық қозғалысқа ықпалын бағалау үшін қолда бар ақпарат жиналып, нақтыланып, сарапталып жатыр.
Бұл жағдай ойындарға қатысатын ұлттық паралимпиада комитеттеріне ғана емес, барлық мүшеге әсер ететінін түсінеміз. Ең алдымен адамдарға келетін салдары туралы ойлаймыз, зардап шеккен жандармен біргеміз, – делінген хабарламада.
Соған қарамастан, Таяу Шығыстағы әскери іс-қимылдардың күшеюіне және халықаралық әуе рейстері кестесінің өзгеруіне қарамастан, комитет ойындарды бекітілген жоспарға сәйкес өткізуге ниетті екенін атап өтті.
Еске салайық, 6-15 наурыз күндері Милан және Кортина қалаларында XIV қысқы паралимпия ойындары өтеді.
Паралимпиада ойындарына Қазақстан атынан 7 спортшы қатысады. Қазақстан құрамасы пара шаңғы мен пара биатлон бойынша сынға түседі.
