Не болды?
Алматыдағы ауаның ластану деңгейі ДДСҰ (дүниежүзілік денсаулық сақтау ұйымы) бекіткен қалыпты мөлшерден бес есе жоғары. Бұл туралы Baribar.kz хабарлап отыр.
Мәлімет
IQair мәліметіне қарағанда, Алматыда ластану индексі – 206-ға тең (өте зиян). Ауа ластаушы негізгі ұсақ бөлшек – PM2.5. Осы ұсақ бөлшектің таралу деңгейі — 131 мкг/м3. Бұл ДДСҰ бекіткен тәуліктегі орташа мөлшерден (25 мкг / м3) бес есе жоғары.
Анықтама
PM2.5 – адам ағзасына өте қауіпті шаң-тозаң, күйе, түтін және сұйық тамшы. Өлшемі 2,5 микрометрден (адам шашынан 30 есе жіңішке) аз ұсақ элемент.
IQair (Air quality around the world) – дүниежүзі бойынша ауа сапасын бақылайтын ұйым.
Контекст
Естеріңізге салайық, 16 ақпанда еліміздің төрт қаласында ауа сапасы нашарлайтынын жазған едік.
