Не болды?
Президент үш жылдық республикалық бюджет туралы заңға қол қойды. Заң бойынша, 2026 жылы АЕК мөлшері 4 325 теңге болады.
Мәлімет
Бұл 2025 жылмен салыстырғанда 393 теңге көп. Енді Қазақстан азаматтары жаңа заңның 7-бап 4-тармағы бойынша, жылдамдық арттырғаны үшін мынадай айыппұл төлейді:
-
10–20 км/сағ аралығында асырса, 5 АЕК (21 625 теңге);
-
20–40 км/сағ — 10 АЕК (43 250 теңге);
-
40–60 км/сағ — 20 АЕК (86 500 теңге);
-
60 км/сағ және одан көп — 40 АЕК (173 000 теңге).
5 АЕК (21 625 теңге) айыппұл мына кезде төленеді:
-
жүргізушінің куәлігі немесе сақтандыруы болмаса;
-
жолаушы мен жүкті тасымалдау ережелері сақталмаса;
-
жүргізуші қауіпсіздік белдігін тақпаса;
-
көлік айдап келе жатып, телефон қолданса;
-
алдыңғы әйнектерді заңсыз қараңғылатса;
-
техникалық байқаудан өтпеген автокөлік айдаса.
Ал 10 АЕК (43 250 теңге) айыппұл мына кезде салынады:
-
мемлекеттік тіркеу нөмірі жоқ автокөлікті айдаса;
-
тоқтау немесе тұрақ ережелерін бұзса;
-
рұқсат етілмеген жерде кері бұрылып кетсе;
-
бағдаршамның қызыл түсіне немесе реттеушінің тыйым салған ым-ишарасына қарамай, қиылыстан өтіп кетсе;
-
теміржол өткелінен тыс жерден теміржол жолын кесіп өту, жабық немесе жабылып жатқан шлагбаум кезінде теміржол өткеліне шыққан кезде салынады.
15 АЕК (64 875 теңге) айыппұл мына кезде салынады:
-
жол бойында басымдық құқығы бар көлікке жол бермесе;
-
жаяу жүргіншілер жолымен, жол жиегімен немесе тротуармен жол қозғалысы ережелерін бұза отырып жүрсе;
-
тежегіш жүйесінде, рөлінде немесе тіркеу-қосқыш құрылғысында ақауы бар автокөлік айдаса;
-
рұқсатсыз қайта жабдықталған автокөлік айдаса.
