Не болды?
3–13 желтоқсанда Дубайда бокстан әлем чемпионаты IBA нұсқасы бойынша өтеді. Чемпионатқа Қазақстан атынан 13 спортшы қатысады.
Мәлімет
Чемпионатта 13 салмақ дәрежесі белгіленген. Бас жаттықтырушы — Қайрат Сәтжанов. IBA әлем чемпионатында Қазақстан намысын қорғайтын құрама тізімі мынадай:
- Теміртас Жүсіпов (48 келі);
- Даниял Сәбит (51 келі);
- Сәкен Бибосынов (54 келі);
- Оразбек Асылқұлов (57 келі);
- Серік Теміржанов (60 келі);
- Ертуған Зейнулинов (63,5 келі);
- Санатәлі Төлтаев (67 келі);
- Абылайхан Жүсіпов (71 келі);
- Сабыржан Аққалықов (75 келі);
- Ерасыл Жақпеков (81 келі);
- Дәулет Төлемісов (86 келі);
- Нұрмагамед Юсупов (92 келі);
- Нұрлан Сапарбай (92 келіден жоғары).
Контекст
Естеріңізге салайық, Ливерпулда бокстан әлем чемпионаты өткен еді. Қазақ боксшылары топтық тізімде бірінші орын алды.
Геннадий Головкин World Boxing президенті болды. Ол — тарихта халықаралық спорт ұйымын басқаруға тағайындалған алғашқы Қазақстан азаматы.
