Астанада 29 қарашадан бастап қоғамдық көлік желісіне үш жаңа маршрут қосылады. Бұл туралы қала әкімінің баспасөз қызметі хабарлап отыр.
Жаңадан ашылған бағдарлар:
- № 65 бағдар – Болашақ көшесі – «Отау» шағын ауданы;
- № 68 бағдар – «Газмашаппарат» АҚ – «Бағыстан» тұрғын үй кешені;
- № 78 бағдар – Ұлттық шұғыл медициналық үйлестіру орталығы – № 64 мектеп-лицейі қатынасымен жүреді.
Жаңа бағдарлар елорданың бірқатар маңызды нысаны арқылы жүреді. Мысалы, №65 бағдар жаңадан ашылған С.Шаймерденов көшесімен қатынайды, №68 бағыты «Бағыстан» ТК қаланың оң жағалауымен байланыстырып, К.Әзірбаев және М.Жұмабаев көшелерін қоғамдық көлікпен қамтамасыз етеді. Жаңа бағыттардың жұмысы жолаушылар тасымалының сапасын арттыруға және қоғамдық көлікпен қамтуды жақсартуға бағытталған, – делінген хабарламада.
Қозғалыс сызбаларын Avtobys қолданбасынан көре аласыздар.
