Не болды?
Грекия мен Албания шекарасында орналасқан Сулфур күкірт үңгірінде ғалымдар әлемдегі ең ірі өрмек торын тапты. Бұл туралы LiveScience хабарлап отыр.
Мәлімет
Тордың жалпы ауданы – 106 шаршы метр. Биолог, Sapientia мажар университетінің қызметкері Иштван Юрактың айтуына қарағанда, бұл тор – мыңдаған жеке өрмектерден құралған үлкен «жамау көрпеге» ұқсайды.
Бұл — Tegenaria domestica (үй өрмекшісі) мен Prinerigone vagans түрлерінің бірлесе жасаған жұмысы. Әдетте, табиғи ортада бұл екі түр бір-бірімен бәсекелесіп, ортақ тор құрмайды, — дейді Иштван Юрак.
Зерттеушілердің айтуына қарағанда, үңгірде шамамен 69 мың үй өрмекшісі мен 42 мыңнан астам Prinerigone vagans тіршілік етеді. Екі түр де шыбын аулайды.
