Алматы облысында төтенше жағдайға байланысты жедел штаб құрылды. Бұл туралы облыс әкімінің баспасөз қызметі хабарлап отыр.
Бүгін сағат 08:25 шамасында Ұзынағаш ауылында сүзгі алқаптарының қорғаныс бөгеті бұзылған. Нәтижесінде 30 тұрғын үйдің ауласы су астында қалды.
Облыс әкімдігінің мәліметінше, оқиға орнына Алматы облысы әкімінің орынбасары Әсет Масабаев пен облыстық төтенше жағдайлар департаментінің бастығы аттанған.
Қосымша су басу қаупінің алдын алу және салдарын барынша азайту мақсатында қорғаныс бөгеттерін нығайту, сонымен қатар ағынды суларды тұрғын үйлерден бұру жұмыстары жүргізіліп жатыр. Төтенше жағдайдың салдарын жою үшін бес техника жұмылдырылып, қосымша тағы бес техника шақырылды. Жұмысқа 15 маман қатысып жатыр, — делінген хабарламада.
